ලොස්ඇන්ජලීස් නුවරට මැරීන් භටයින් 700ක්

ලොස් ඇන්ජලීස් නගරයේ සංක්‍රමණික විරෝධතා හේතුවෙන් ඇතිවූ දැඩි නොසන්සුන්තාවය නිසා, ඇමරිකානු ජනපති ඩොනල්ඩ් ට්‍රම්ප් විසින් නගරයේ ආරක්ෂාව වැඩිදියුණු කිරීම සඳහා ආරක්ෂක භටයින් 2,000ක් යොදවන ලෙස පසුගියදා නියෝග කර ඇත. මෙම තීරණය ගැන ජනපතිවරයා පැවසුවේ, එසේ නොකළහොත් ලොස් ඇන්ජලීස් සම්පූර්ණයෙන් විනාශ වීමට ඉඩ තිබූ බවයි. එමෙන්ම, ෆෙඩරල් නිලධාරීන් සහ දේපළ ආරක්ෂා කිරීම සඳහා යොදවා ඇති 51 වැනි කාර්ය සාධක බලකායට සහාය වීමටද මෙම තීරණය ගෙන ඇත. කෙසේ වෙතත්, කැලිෆෝනියාවේ නීතිපති රොබ් බොන්ටා සහ ආණ්ඩුකාර ගැවින් නිව්සම් ට්‍රම්ප් පරිපාලනයට එරෙහිව නඩු පවරා ඇති අතර, නීතිපතිවරයා මෙය ෆෙඩරල් රජයේ අධිකාරිය ඉක්මවා යාමක් ලෙස විවේචනය කර ඇත.