තායිවානයේ දකුණු දිග කලාපයේ ගංවතුර තත්ත්වයෙන් පුද්ගලයින් සිව් දෙනෙකු මරුට

තායිවානයේ දකුණු දිග කලාපය තුළ පසුගිය සති කිහිපය තුළ ධාරාණිපාත වැසි හේතුවෙන් බරපතල ජල ගැලීම් හා නායයාම් ඇතිවී ඇත. මෙම ආපදාව හේතුවෙන් මේ වන විට පුද්ගලයින් හතර දෙනෙකු ජීවිතක්ෂයට පත්ව ඇති අතර, තවත් තිදෙනෙකු අතුරුදන්ව සිටින බව තායිවාන මාධ්‍ය වාර්තා කරයි. ජල ගැලීම් හා අනෙකුත් ආපදා හේතුවෙන් මියගිය පිරිසට අමතරව, මේ වන විට අතුරුදන් වූ පිරිස 77ක් ලෙසද වාර්තා වේ. ආපදාවෙන් පීඩාවට ලක්වූ අවධානම් කලාපවල සිටින පිරිස් 6,000කට ආසන්න පිරිසක් ආරක්ෂිත ස්ථානවලට ගෙන යාමට තායිවාන බලධාරීන් පියවර ගෙන ඇත. පසුගිය දින කිහිපය තුළ තායිවානයේ කඳුකර කලාපවලට මීටර් 2.6ක් තරම් වැසි පතිත වී ඇති අතර, මෙම ප්‍රමාණය එම කලාපවලට බලපාන වාර්ෂික සාමාන්‍ය වර්ෂාපතනය (මීටර් 2.1) ඉක්මවා ඇත. එබැවින්, මෙවර වර්ෂාපතනය අසාමාන්‍ය තත්ත්වයක් ලෙස තායිවාන බලධාරීන් හඳුන්වා දී ඇත. මෙම තත්ත්වය හේතුවෙන් ජල ගැලීම්, නායයාම් හා භූමික්‍රමණ ඇතිවීමේ අවදානම ඉහළ ගොස් ඇති අතර, ආපදා කළමනාකරණ ඒකක අතින් අඛණ්ඩව සිදුවීම් නිරීක්ෂණය කරමින් ප්‍රතිචාර දක්වන ලදී.